ГОЛЕМА ЧЕСТ ЗА БРАЗИЛЕЦОТ: Рафиња е новиот капитен на Барселона!

Според информациите на „ESPN Brasil“, крилниот напаѓач ги наследува Роналд Араухо и Марк-Андре тер Штеген, кои минатата сезона беа прв и втор капитен, но во меѓувреме заминаа на позајмици во Ливерпул, односно Ајакс.

Де Јонг останува втор капитен

Иако многумина очекуваа Френки де Јонг да ја преземе улогата на прв капитен откако минатата сезона беше трет во хиерархијата, Холанѓанецот сепак нема да биде главен лидер на теренот. Тој ќе мора да се задоволи со позицијата втор капитен, додека зад него во капитенската хиерархија следуваат младите Педри и Ерик Гарсија.

Откако пристигна од Лидс во 2022 година, Рафиња прерасна во една од клучните фигури во тимот. Неговиот придонес беше огромен во освојувањето на трите шампионски титули што Барселона ги освои помеѓу 2023 и 2026 година.

Блескава кариера и деби како капитен

Бразилецот целосно се етаблираше во тимот за време на ерата на Чави Хернандез, а својата позиција дополнително ја зацврсти под водство на актуелниот тренер Флик. Како потврда за неговите врвни партии, авторитетниот весник „Марка“ потсетува дека Рафиња си го обезбеди петтото место на ранг-листата за „Златната топка“ на „Франс фудбал“ во 2025 година.

Своите лидерски квалитети со капитенската лента околу раката, Рафиња ќе има можност да ги демонстрира веќе следниот викенд, на 23 август, кога Барселона му гостува на Елче во првиот официјален натпревар од новата сезона.