ВНИМАНИЕ ЗА ТУРИСТИТЕ НА ХАЛКИДИКИ: Забрана за движење и драконска казна од 300 евра!

Детална мапа на блокираните зони

Забраната стапува на сила од денеска (23 август). Мерката важи секој ден во критичниот период од 08:00 до 20:00 часот. Ограничувањата ги опфаќаат најосетливите подрачја во трите општини: Касандра, Ситонија и Аристотел.

Ограничувањата важат за точно одредени локации. На Касандра целосно се блокираат Корфограми, потегот од Касандрина до Агија Параскеви и зоните околу Палиури. Во Ситонија, забраната важи за гребенот Драгундели, од Пчеларската задруга па сè до Сикија.

Општина Аристотел исто така е под строг полициски надзор. Целосно е забрането движењето на потегот од Комица до Уранополис. Оваа вонредна мерка ги опфаќа и локациите Цамија Стратоникис, Фисока и Стрелиште Стратонија.

Полициски патроли и строги казни за прекршителите

„Полицијата и противпожарните служби без пардон ќе ги отстрануваат сите лица затекнати во забранетите зони. Пристап ќе имаат исклучиво членовите на доброволните организации за заштита од пожари.“

Контролите се драстично засилени на сите вкрстувања на шумските и регионалните патишта. Полициските патроли детално ќе ги евидентираат регистарските таблички на сите возила. Секој обид за непочитување на оваа наредба веднаш ќе ве чини високи 300 евра.