Весна Љ.
Според информациите на грчките медиуми, транспортот на батеријата започнал во неделата. Овој моќен одбранбен систем треба да биде стратешки распореден во близина на воениот објект во Суда на Крит, каде што се наоѓа една од најзначајните бази на САД и НАТО во источниот Медитеран. Одлуката доаѓа по разузнавачките информации дека Иран би можел драстично да го прошири опсегот на своите можни цели доколку дојде до понатамошна ескалација на конфликтот со Вашингтон околу Ормускиот Теснец.
Балканот и Медитеранот како потенцијални мети
-
Никогаш да не се заборави
699 ден
524.25 ден
Угледниот „Фајненшл тајмс“, повикувајќи се на свои извори во Иран, неодамна објави дека Техеран сериозно разгледува можност неговиот одговор да не биде ограничен само на Блискиот Исток. Наместо тоа, мета би можеле да бидат и американски воени цели во Европа, при што меѓу потенцијално најчувствителните подрачја директно се споменуваат Балканот и Медитеранот. Иако грчкото Министерство за одбрана сè уште официјално не го коментирало преместувањето, јасно е дека Атина презема итни превентивни мерки.
„Според грчкиот весник ‘Катимерини’, врз одлуката директно влијаеле проценките за иранскиот ракетен арсенал. Иран сè уште поседува балистички ракети со дострел поголем од 2.000 километри, што им овозможува да достигнат делови од Југоисточна Европа.“
Континуирано засилување на одбраната
Ова не е првпат Грција да презема вакви чекори за заштита на својот воздушен простор и сојузничките бази. Батеријата „Патриот“ беше префрлена на Карпатос во март, а по нападот со беспилотни летала врз британската база Акротири на Кипар, веднаш беа ангажирани грчки борбени авиони Ф-16 и фрегата. Дополнително, Грција веќе има распоредено уште една батерија „Патриот“ во Саудиска Арабија за поддршка на тамошната противвоздушна и противракетна одбрана.
