Весна Љ.
Според наводите на партијата, останувањето на овие функционери на нивните државни позиции претставува премолчено и директно одобрување на нивната реторика. Од СДСМ потенцираат дека вицепремиерот Стоилковиќ во законодавниот дом упатувал навреди кон пратеници и јавно го величал Ратко Младиќ, додека Китановиќ, во својство на директор на Агенцијата за остварување на правата на заедниците, објавувал пофалби за личност која партијата ја обвинува за воени злосторства и етничко чистење.
Говор на омраза и обвинувања за туѓи политички влијанија
-
La Linea v8
699 ден
524.25 ден
Освен Стоилковиќ и Китановиќ, опозицијата го посочи и Мирослав Тричковиќ, актуелен директор на Управата за развој и унапредување на образованието на јазиците на припадниците на заедниците. За него, партијата тврди дека на социјалните мрежи континуирано споделувал навредливи содржини и ширел отворен говор на омраза директно насочен кон СДСМ и претседателот на партијата, Венко Филипче. Во својата политичка офанзива, опозицијата овие функционери ги нарече „екипата на Стоилковиќ и Мицкоски“, обвинувајќи ги дека сите заедно дејствуваат како продолжена рака на српскиот претседател Александар Вучиќ.
Од партијата децидно оценуваат дека игнорирањето на овие скандали од страна на извршната власт и отсуството на итни разрешувања испраќаат загрижувачка порака до јавноста, заклучувајќи дека премиерот Мицкоски свесно одбива да понесе политичка одговорност за дејствијата на своите коалициски партнери.
„Без оставки на Стоилковиќ и Китановиќ, тоа значи дека тие останале на истиот став дека Младиќ е нивен генерал. А со тоа и Мицкоски, како нивен шеф, недвосмислено потврди дека Младиќ е и негов генерал.“
