Весна Љ.
Според официјалното соопштение од Обвинителството, осомничениот полнолетник, дејствувајќи во соизвршителство со својот малолетен брат – кој е под законската граница за кривична одговорност – извршил тешки акти на насилство кои предизвикале огромна паника меѓу граѓаните. Во овој крвав напад, покрај 13-годишното дете, со убоди од нож тешки телесни повреди добило и едно полнолетно лице, додека уште едно дете поминало со полесни повреди. Ваквите дејствија предизвикале силно чувство на несигурност, загрозување и страв кај присутните очевидци. Поради сериозноста на делото, кое е квалификувано како кривично дело „Насилство“ според член 386 од Кривичниот законик, јавниот обвинител побарал итно изолирање на полнолетниот осомничен преку мерка притвор.
Петмина приведени и критична здравствена состојба на жртвата
-
Џаст До Ит!
699 ден
524.25 ден
Претходно во текот на денот, министерот за внатрешни работи, Панче Тошковски, ја информираше јавноста дека во рамките на брзата полициска акција се приведени вкупно пет лица поврзани со инцидентот. Министерот со жалење констатираше дека повреденото 13-годишно момче се наоѓа во исклучително тешка здравствена состојба и лекарите прават натчовечки напори за да го спасат неговиот живот.
Изнесувајќи ги првичните оперативни информации од Министерството за внатрешни работи, Тошковски шокираше со податокот дека малолетникот кој директно учествувал во нанесувањето на тешките телесни повреди е врсник на жртвата. Имено, и двете деца се родени во 2012 година, што дополнително го акцентира алармантниот проблем со малолетничката деликвенција и бруталното врсничко насилство во општеството.
„Осомничениот и неговиот малолетен брат преземале дејствија на насилство со кои на едно дете и на едно полнолетно лице им биле нанесени тешки телесни повреди со убоди од нож. Во јавноста и кај присутните лица тие предизвикале чувство на несигурност, загрозување, страв и вознемиреност.“
