Весна Љ.
Потсетник на историскиот референдум од 1991 година
Во своето празнично обраќање, партијата се навраќа на клучниот момент од поновата историја на државата, кога граѓаните масовно излегоа да го искористат своето демократско право. Пред точно 35 години, преку референдумот одржан на 8 септември 1991 година, народот недвосмислено ја потврди својата историска одлука – да живее во суверена, самостојна и независна држава. Овој чин, според партијата, претставува темел врз кој почива денешното општество.
„Денес, 35 години подоцна, независноста е наша чест, но и наша обврска. Обврска да ја чуваме државноста, да го браниме достоинството и да создадеме Македонија во која секој граѓанин ќе има сигурна иднина и еднаква можност за успех“, порачуваат од Движењето ЗНАМ.
Заедничка обврска за европска иднина
-
Вонземјанин
699 ден
524.25 ден
Пораката на Движењето ЗНАМ е фокусирана и кон иднината, повикувајќи на единство и посветеност во градењето на подобро општество. „Македонија е наша татковина. Независноста е наше наследство. Иднината е наша заедничка обврска“, децидни се од партијата, потсетувајќи дека патот напред бара заеднички труд и меѓусебно почитување.
Во честитката јасно е исцртана и стратешката визија за развојот на земјата. Партијата повикува сите граѓани и политички чинители да продолжат заеднички да ја градат визијата за силна, стабилна, достоинствена и европска Македонија, во која просперитетот ќе биде достапен за секого.
