Весна Љ.
Промоција на културното наследство и занаетите
Фестивалот претставува значајна платформа за промовирање на културните и занаетчиските вредности, истакнувајќи го историското, општественото и економското значење на Чаршијата. За време на манифестацијата беше нагласена потребата од зачувување на нејзиниот автентичен идентитет, како и неопходноста од континуирана поддршка на занаетчиите и локалните бизниси.
-
Хемија
699 ден
524.25 ден
Целта на ваквите настани е развивање иницијативи што значително го збогатуваат културниот живот на главниот град, привлекувајќи истовремено и домашни и странски посетители.
Институционална поддршка и нови инвестиции
Од Општина Чаир информираат дека ќе продолжат со интензивна институционална соработка со Град Скопје и локалните чинители. Фокусот останува на промоцијата на културното наследство и зајакнување на улогата на Старата скопска чаршија како еден од најзначајните туристички и економски центри во државата.
„Старата скопска чаршија е едно од највредните богатства на Скопје и нераскинлив дел од неговиот историски и културен идентитет. Во соработка со Град Скопје и Еснафот, ќе продолжиме да поддржуваме иницијативи кои ја зачувуваат традицијата. Чаршијата заслужува внимание, инвестиции и конкретна посветеност, поради што останува еден од нашите неоспорни приоритети“, изјави Меџити.
