Весна Љ.
Тримесечен рок за поднесување писмена изјава
Агенцијата за супервизија на капитално финансирано пензиско осигурување (МАПАС) соопшти дека согласно законските одредби, сите членови на задолжителните пензиски фондови кои навршиле стаж со кој се остварува намалување на старосната граница за пензионирање за најмалку една година (согласно член 118 став 3 од Законот за пензиското и инвалидското осигурување), имаат право да изберат дали ќе продолжат да членуваат во вториот столб. Рокот за доставување на писмената изјава за продолжување на членството трае најдоцна до 20 јануари 2027 година.
-
La Linea v13
699 ден
524.25 ден
Доколку овие осигуреници до предвидениот рок не поднесат соодветна писмена изјава, нивното членство во задолжителниот приватен пензиски фонд по автоматизам ќе престане.
Автоматско префрлање на парите во државниот фонд на ПИОСМ
Во случај на престанок на членството поради недоставена изјава, пензиското друштво го пренесува вкупниот износ на акумулираните средства од индивидуалните сметки директно во Фондот на пензиското и инвалидското осигурување на Северна Македонија (Фондот на ПИОСМ). Во тој случај, осигурениците остануваат единствено во тековно финансираното пензиско осигурување засновано на генерациска солидарност, од каде што подоцна целосно ќе го остварат правото на пензија.
„Агенцијата за супервизија на капитално финансирано пензиско осигурување (МАПАС) ја известува јавноста дека лицата кои во претходните години веќе доставиле Изјава за продолжување на членство, имаат уредно продолжен статус и немаат потреба повторно да ја доставуваат истата изјава“, појаснуваат од МАПАС.
