Весна Љ.
Стопирани ракети и ограничена сателитска технологија
Како што пренесува „Блумберг“, откако тензиите ескалираа во сериозна криза, Соединетите Американски Држави го ограничија украинскиот пристап до сателитската технологија „Старшилд“ и ги запреа клучните испораки на ракети-пресретнувачи за системите „Патриот“. Ова ги остава украинските градови крајно ранливи на руските балистички напади во пресрет на новата, ледена зима.
-
La Linea v23
699 ден
524.25 ден
Во седиштето на НАТО расте загриженоста дека односите меѓу Трамп и Зеленски се неповратно нарушени, што може да ја принуди Украина да прифати болен и понижувачки мировен договор со Москва. Оваа криза се случува во време кога Трамп води жестока битка за зачувување на републиканското мнозинство на конгресните избори кои претстојат во ноември, додека цивилните жртви во Украина континуирано растат.
Обиди за деескалација и страв од целосен прекин на помошта
Генералниот секретар на НАТО, Марк Руте, се обидува да ги деескалира тензиите за да се осигура дека Украина ќе го добие она што ѝ е неопходно за фронтот. Сепак, Алијансата јасно му ставила до знаење на Зеленски дека, поради непредвидливоста на Трамп, во опасност може да бидат доведени дури и испораките на американско оружје кои европските земји ги плаќаат сами.
Од друга страна, Зеленски во неодамнешното интервју отворено го обвини Трамп дека се обидува да го принуди Киев да капитулира пред Москва. Тој нагласи дека САД намерно ги одложуваат испораките на ракети, а украинските претставници се сомневаат дека Американците повремено им ускратуваат и разузнавачки податоци.
„Претстои долга, темна и студена зима. Залихите на ракети-пресретнувачи на Украина се сведени речиси на нула, а способноста на Европејците да ги надополнат е крајно ограничена, бидејќи и нивните сопствени резерви се празни“, предупредува Џастин Логан од Институтот „Като“ во Вашингтон.
