Весна Љ.
Нулта толеранција за незаконски активности
Според информациите од Стејт департментот, бројката на укинати визи континуирано расте. Помошникот државен секретар за конзуларни прашања, Мора Намдар, преку социјалните мрежи упати јасна порака до сите иматели на американски визи дека привилегијата за патување во САД е стриктно условена со целосно почитување на американските закони.
-
La Linea v6
699 ден
524.25 ден
Портпаролот на Стејт департментот, Томи Пигот, дополнително појасни дека поништувањето на визите се однесува првенствено на странски државјани кои се вклучени во незаконски активности или на кој било начин претставуваат закана за националната безбедност на државата.
Рекордна бројка на поништени визи во историјата
Белата куќа соопшти дека актуелната администрација на Трамп поништила повеќе визи, и тоа со побрзо темпо, од која било друга администрација во историјата на Соединетите Американски Држави. Главната цел на овие мерки е да се спречат злоупотребите на имиграцискиот систем.
„Имаме нулта толеранција кон странски државјани кои престојуваат овде врз основа на виза, а ги прекршуваат законите, вршат измами или ја загрозуваат нашата национална безбедност. Заштитата на нашата земја и на американскиот народ е наш главен приоритет – денес и секој ден“, потенцираа од Стејт департментот.
