Maserati со 530 коњи ќе брка низ Италија, но не криминалци, туку ќе спасува животи

Италијанскиот производител на луксузни автомобили Масерати официјално предаде два специјално опремени автомобили на командата на Карабинерите во Рим.

Но, еден од нив не е наменет за бркотници со криминалци, туку за многу похумана мисија – спасување животи.

Супер-автомобил во служба на животот

Станува збор за моделот Maserati Grecale Trofeo, ѕвер со 530 коњски сили и Нептун V6 мотор, кој достигнува 100 км/ч за само 3,8 секунди. Овој автомобил е специјално модификуван и ќе се користи за најитните мисии: брз транспорт на органи и ткива за трансплантација. За таа цел, возилото е опремено со најсовремена медицинска опрема и специјален пренослив фрижидер, како и со сите потребни ротации и системи за комуникација.

Повеќе од само брзина – заштита на природата

Вториот модел, Maserati Levante Hybrid, е обоен во традиционалната темносина боја на Карабинерите и ќе биде наменет за заштита на животната средина. Овој теренец ќе се користи за надзор на флората и фауната во заштитените подрачја во Италија. Предавањето на возилата е дел од долгогодишната соработка помеѓу Масерати и италијанските безбедносни сили, симболизирајќи го спојот на италијанската извонредност и службата на заедницата.