Аларм на северната граница: Сателити снимија како Русија трупа војска и опрема во близина на Финска!

Тензиите на руско-финската граница достигнуваат нова, загрижувачка точка! Најновите сателитски снимки, објавени денеска, откриваат алармантна концентрација и значителна активност на руски воени сили во непосредна близина на источната граница на Финска.

Аналитичарите предупредуваат дека се поставуваат шатори, писти и хангари, а бројот на капацитети за сместување војници забрзано расте. Дали ова е директниот „воено-технички одговор“ на Москва за неодамнешното членство на Финска и Шведска во НАТО, како што веќе се толкува?

Каква порака испраќа Кремљ со овие потези и како реагира Хелсинки на вознемирувачките активности на самиот праг на Алијансата?

Нови сателитски снимки, објавени од шведската телевизија СВТ, а направени од компанијата „Планет Лабс“, покажуваат значително зголемување на руската воена активност во близина на источната граница на Финска.

Според аналитичарите кои ги проучувале снимките, во неколку клучни руски бази во пограничниот регион е забележано зголемување на сместувачките капацитети за војници, распоредување на воени авиони и изградба на нова воена инфраструктура, вклучувајќи писти и хангари, пишува „Хелсинки тајмс“. Интензивна активност е регистрирана на најмалку четири различни локации.

Овие случувања се толкуваат како дел од најавениот одговор на Русија на проширувањето на НАТО со Финска и Шведска. Началникот на шведската армија, Михаел Клаесон, изјави дека ваквите активности се потврда за она што Русија го најавуваше како нејзин „воено-технички одговор“. „Кога аплициравме за членство во НАТО, Русија рече дека ќе преземе одредени мерки. Сега гледаме дека ги спроведува“, истакна Клаесон.

 

🔴 Russia is rapidly expanding military bases near Finland, boosting troop numbers and building new infrastructure, in what experts warn could be preparations for future conflict with NATO.https://t.co/zs6YqVly1Y pic.twitter.com/ho3Ozr9IIb

— UNITED24 Media (@United24media) May 13, 2025

Финска официјално стана членка на НАТО во 2023 година, со што границата на Северноатлантската алијанса директно се помести кон северозападна Русија. Како одговор на новите безбедносни предизвици, Финска активно работи на зајакнување на сопствените одбранбени капацитети. Во тек е и изградба на команден центар на НАТО во регионот Лапонија, кој се очекува да биде целосно оперативен до крајот на оваа година.