БЕЗ КАПКА КРВ, НО СО ДЕЛОВИ НИЗ ОКТАГОНОТ: Роботската борба што ја остави публиката без зборови

Во кинескиот град Шенжен се одржа натпреварот „Ultimate Robot Knock-out Legend“, познат како URKL. Наместо луѓе, во кафезот се соочија хуманоидни роботи кои изведуваа удари, падови и боречки движења пред публиката.

На највпечатливата снимка, еден робот со удар го оштетува горниот дел од телото на противникот. Механичкиот борец сепак продолжува да се движи и да возвраќа, сè додека по нов пад целосно не ја загуби стабилноста.

Механички дуел што изгледаше како филмска сцена

Оштетениот робот се обидувал повторно да застане, но неговите неконтролирани движења довеле до дополнително кинење на каблите. По дефинитивниот пад, неговиот противник ја прославил победата со краток танц во октагонот.

Иако сцената изгледаше драматично, настанот помина без човечки повреди. Токму тоа беше и една од причините поради кои роботските борби предизвикаа толкаво внимание кај публиката.

Just saw footage from China's URKL robot fights and it's pure entertainment. One bot gets its head booted clean off yet keeps battling like it's business as usual. What a show! 🤖 pic.twitter.com/C3X0HT6RTV

— MangoWorxMedia (@MangoWorxMedia) July 18, 2026

Учествувале 32 тима

Според информациите објавени во кинеските медиуми, на натпреварот учествувале 32 тима од повеќе земји. Сите користеле модел на хуманоиден робот T800, произведен од кинеската компанија EngineAI.

Извршниот директор на компанијата, Џао Тонгјанг, објаснил дека целта е да се создаде глобален комерцијален бренд за борби со роботи, но и да се забрза развојот и практичната примена на оваа технологија.

Роботите стануваат сè посилни и попрецизни

EngineAI и претходно ги демонстрирала можностите на своите машини. Во една снимка, директорот на компанијата носел заштитна опрема додека робот T800 изведувал удари, а еден од нив успеал да го собори на земја.

На настанот присуствувал и актерот и режисер на боречки филмови Дони Јен. Тој изјавил дека дотогаш вакви борби гледал само во научнофантастични филмови и бил импресиониран од тежината на машините и прецизноста на нивните движења.

Кина ги претставува роботите преку боречки вештини

Боречките демонстрации стануваат сè почест начин на кој кинеските компании ги покажуваат брзината, рамнотежата и координацијата на хуманоидните роботи. Претходно внимание привлече и настап на роботи Unitree G1, кои изведуваа боречки движења заедно со човечки изведувачи.