„Бизнис“ за Задушница: Лажен поп уапсен среде гробишта во Ѓорче Петров

На гробиштата во општината Ѓорче Петров во Скопје, во саботата на Задушница, лицето Б.П. се претставувало како поп и пеело за душите на починатите.

Инцидентот го потврди и МВР. Кога пристигнала полицијата, неколку полицајци го привеле Б.П., додека посетителите на гробиштата останале збунети од случката, пренесува Skopje1.mk.

МВР го расчистува случајот

Од МВР наведуваат дека случајот се расчистува: „На 01.11.2025 на гробиштата во Ѓорче Петров во Скопје, постапувајќи по претходна пријава, од страна на полициски службеници од Одделението за криминал Ѓорче Петров легитимирано е лицето Б.П., кое вршело верски активности. Се преземаат мерки за расчистување на случајот“, наведува МВР.

Повеќе од само измама – злоупотреба на празник

Овој инцидент предизвика шок кај граѓаните кои дошле да им оддадат почит на своите најблиски, а наместо мир, биле сведоци на полициска акција. Настанот отвора сериозни прашања за злоупотребата на верските празници и чувствителните моменти на граѓаните за лична корист.