Владимир Путин со историска изјава: БРИКС и официјално економски ја прегази Г7

Претседателот на Русија, Владимир Путин, изјави дека земјите од БРИКС значително ја надминале Групата седум (Г7).

Ова се однесува на вкупната големина на нивните економии. Тој истакна дека центарот на глобалната економија забрзано се поместува кон пазарите во развој. Обраќањето го имаше преку видео-линк на самитот на БРИКС во Бразил.

Крај на униполарниот поредок, настанува нов светски модел

Путин истакна дека БРИКС сочинува 40 отсто од светската економија. Вкупниот БДП, според паритетот на куповната моќ, достигнал 77 билиони долари. „Тоа е значително повеќе во споредба со Г7, чиј вкупен БДП изнесува 57 билиони долари,“ рече Путин.

Тој нагласи дека ерата на либералната глобализација е при крај. Според него, таа им служела на интересите на таканаречената „златна милијарда“. Светот, како што вели тој, се врти кон поправеден, мултиполарен модел. „Промената на глобалниот економски поредок добива сè поголем замав,“ порача рускиот лидер.

Рубљата доминира во трговијата во рамките на БРИКС

Путин истакна и дека употребата на националните валути е во постојан пораст. Во текот на 2024 година, дури 90 отсто од сите плаќања на Русија со земјите од БРИКС биле во рубљи. Или, пак, во валутите на партнерските земји.

„Потребно е понатаму да се шири употребата на националните валути.“ „И да се развие независен платен систем на платформата на БРИКС,“ рече Путин. Тоа, според него, би овозможило побрзи и посигурни трансакции.

„БРИКС промовира стабилност и соработка во светот“

Рускиот претседател нагласи дека БРИКС обединува држави со различни модели. И со различни религии и цивилизации. Но, сите делат заеднички вредности како што се еднаквост и добрососедски односи. „Земјите од БРИКС се стремат да дадат значаен придонес во глобалната стабилност,“ заклучи Путин.