ГЕСТ ЗА ПОЧИТ: Вила Лејк Палас Берово нуди БЕСПЛАТНО сместување за настраданите од Кочани

Сочувствувајќи со болката на семејствата и повредените во пожарот кој ја потресе Македонија, Вила Лејк Палас Берово, лоцирана во живописниот предел околу Беровското Езеро, објави дека ќе обезбеди бесплатно сместување за сите оние кои беа директно погодени од трагедијата во Кочани.

Според објавата од страна на вилата, чиј сопственик потекнува од Делчево, чистиот планински воздух, богатата борова шума и мирниот амбиент околу езерото можат да придонесат за одмор, релаксација и рехабилитација на лицата кои претрпеле сериозен стрес и физички повреди во несреќата.

Оваа великодушна понуда е отворена во текот на целата сезона и ќе важи се додека семејствата и повредените имаат потреба од ваков вид на поддршка и можност за одмор и закрепнување во мирна и природна околина.

Од Вила Лејк Палас Берово ги повикуваат сите кои ја имаат оваа информација да ја споделат со семејствата на кои им е најпотребна, со цел да им се овозможи барем малку олеснување во овие тешки моменти.