Весна Љ.
Македонија денеска ја очекува сончево и многу топло време, со температури кои во најжешките делови од денот ќе достигнат до 39 степени. На небото ќе има мала до умерена локална облачност, а ќе дува слаб до умерен ветер од северен правец. Попладне атмосферата може локално да стане нестабилна. На одделни места се можни краткотраен пороен дожд и грмежи, но високите температури ќе останат главна карактеристика на денот.
Температури до 39 степени
-
Те сакам како пивото
699 ден
524.25 ден
Утринските температури ќе се движат од 10 до 21 степен. Во текот на денот живата во термометрите нагло ќе расте, а максималните вредности ќе се движат од 32 до 39 степени. Најтопло ќе биде во пониските и јужните делови од земјата.
Северниот ветер ќе биде слаб до умерен и нема значително да го ублажи чувството на топлина. Во попладневните часови ќе се создадат услови за изолирана нестабилност, проследена со пороен дожд и грмежи.
Во Скопје до 37 степени
Во Скопје ќе преовладува сончево време со мала до умерена облачност. Ќе дува слаб до умерен ветер од северен правец, а температурата ќе се искачи до 37 степени. Минималната утринска температура ќе се спушти до 18 степени.
Попладне во делови од Скопската Котлина ќе има услови за локална нестабилност. Можни се краткотраен пороен дожд и грмежи, но врнежите нема да ги зафатат сите делови од градот.
Уште потопло во петок и за викендот
Во следните денови ќе продолжи периодот на сончево и топло време со мала до умерена облачност. Во попладневните часови на одделни места ќе има услови за пороен дожд, грмежи и засилен ветер.
Особено топло ќе биде во петок и за време на викендот. Температурите низ целата земја ќе надминат 32 степена, а во повеќе градови повторно ќе се приближат до границата од 40 степени.
