Весна Љ.
Забранети протести во центрите и мобилизација на полицијата
Протестите, закажани за денеска, се организирани од синдикатите, студентските движења и активистите на „жолтите елеци“. Поради проценките за висок ризик од немири, француските власти ги откажаа одморите и слободните денови на дел од безбедносните сили за да обезбедат масовно полициско присуство на терен.
-
Џаст До Ит!
699 ден
524.25 ден
Министерот за внатрешни работи Лоран Нуњез соопшти дека протестите нема да бидат дозволени во централните градски подрачја. Собирањата ќе можат да се одржуваат исклучиво на периферни локации, под услов организаторите да гарантираат мирно одвивање. Дополнително, во Париз е воведен ноќен полициски режим во деловите каде што кон средината на месецот имаше сериозни инциденти и оштетување на имот.
Остри критики од синдикатите и страв од политичка криза
Организаторите ги критикуваа ваквите мерки како претерани и најавија правна битка против забраните за собирање во центрите на градовите. Организациите за човекови права исто така предупредија на ризикот од прекумерна употреба на полициска сила.
Незадоволството во Франција тлее уште од септември, кога започна со студентски барања за подобри услови во образованието, но брзо се прошири во општо незадоволство од економската состојба. Ваквиот развој на настаните носи сериозна политичка тежина, со оглед на тоа што земјата се наоѓа на само шест месеци пред претседателските избори.
„Безбедносните сили нема да дозволат протестите да бидат искористени како покритие за насилни акции или нереди поврзани со прославите за Ноќта на вештерките“, предупреди министерот Нуњез.
