Збогум за пензијата на 67 години? САД размислуваат за зголемување на границата на 70

Поради промените во демографијата, продолжениот животен век и сè поголемиот притисок врз буџетот, САД сериозно размислуваат за поместување на границата за полна пензија.

Оваа потенцијална реформа би можела да ја зголеми границата од сегашните 67 на дури 70 години. Таа би го променила начинот на кој Американците ја планираат својата иднина. Во моментов, старосната граница за полна пензија во САД е меѓу 66 и 67 години.

Зошто се предлага зголемување на старосната граница?

Според најновиот извештај, фондовите на програмата за социјално осигурување би можеле да пресушат до 2034 година. Ова ќе се случи ако нешто итно не се преземе. Без нови приходи, исплатите тогаш би можеле да бидат намалени за сите.

Постојат три главни причини за оваа иницијатива. Прво, луѓето живеат подолго и примаат пензија повеќе години. Второ, помал број на работници финансираат повеќе пензионери. И трето, постои желба да се продолжи работниот век за да се намали притисокот врз системот.

Како ова ќе влијае на идните пензионери?

Ако се помести границата за пензија, оние кои сакаат да се пензионираат порано, би добивале значително помала месечна исплата. На пример, ако границата биде 70 години, пензионирањето на 62 години би можело да го намали износот на пензијата за 30 до 35 проценти.

Оваа нова политика најмногу ќе ги погоди младите генерации. Посебно внимание треба да обратат оние во триесеттите и четириесеттите години. За да се заштитат, работниците би требало да ги зголемат уплатите во приватните пензиски фондови и да го одложат пензионирањето.

Дали постојат алтернативи?

Да, постојат и алтернативи, но сите тие се предмет на жестоки политички дебати. Меѓу нив се укинување на горната граница за данок на плата, за богатите да придонесуваат повеќе. Исто така, и намалување на пензиите за оние со високи примања. И воведување на имотен цензус за правото на целосна пензија.