Крвав масакр и хорор во Австрија: Најмалку десет мртви во страшно пукање во училиште во Грац!

Бројот на загинати жртви во училиштето во Грац се искачи на десет. Трагедијата се случила денеска наутро.

Напаѓач влегол во училиштето и почнал да пука по учениците и наставниците. Ова е еден од најцрните денови во поновата историја на Австрија. Градот е во шок и неверување.

Пукање во училиштето „Борг“, најмалку десет загинати

Според првите извештаи од австриските медиуми, пукањето се случило околу 10 часот наутро. Местото на трагедијата е училиштето „Борг“ во Грац. Напаѓачот, наводно, отворил оган во најмалку две различни училници. По дојавата, зградата на училиштето била веднаш опколена. Таа во моментов темелно се пребарува од страна на специјалните единици. Властите апелираат до јавноста да ја избегнува областа околу училиштето.

Напаѓачот е поранешен ученик, извршил самоубиство

Според информациите, насилникот бил поранешен ученик на истото училиште. Неофицијално, тој се сметал за жртва на злоупотреба и врсничко насилство. Весникот „Salzburger Nachrichten“ пишува дека станува збор за 22-годишен маж. Тој легално поседувал оружје – пиштол и пушка. Една од училниците каде што пукал, наводно, била неговата поранешна училница.

Heute erschüttert eine schreckliche Tat Graz:

An einer Schule kam es zu einem Amoklauf.
Mindestens ein Mensch starb, der Täter wurde gestellt.
Unsere Gedanken sind bei den Betroffenen.
💔#Graz #Schulgewalt #Amoklauf #Österreich #Solidarität pic.twitter.com/lLAekQmpI0

— abenteuer_deutschland (@Abenteuer_DEU) June 10, 2025

Градоначалничката на Грац, Елке Кар, ја потврди трагичната вест. Таа потврди дека и напаѓачот е пронајден мртов. Осомничениот сторител бил пронајден во еден од тоалетите во училиштето. Се верува дека тој извршил самоубиство по крвавиот напад. Тој се сметал себеси за жртва на долгогодишно малтретирање.

Вонредна состојба во Грац: Преоптоварени болници и кризни тимови

Во градот е прогласена вонредна состојба. На терен се распоредени повеќе полициски единици. Присутна е и австриската специјална единица Кобра. Четири хеликоптери беа активирани за итен транспорт на ранетите. Според весникот „Krone“, итната помош и шок-собите во болницата LKH во Грац се преоптоварени.

Meine Gedanken sind bei den Opfern und Angehörigen dieser wahnsinnigen Tat.
Es ist einfach nicht zu fassen.#Graz pic.twitter.com/5puQpf9WNj

— Jörg Baumann MdL (@BaumannMdL) June 10, 2025

Точниот број на ранети сè уште не е официјално познат. Австриските медиуми јавуваат дека бројката е двоцифрена. Според некои медиуми, 28 повредени лица се лекуваат во болниците. Најмалку четворица од нив се наоѓаат во критична состојба. Некои од жртвите, наводно, биле застрелани директно во главата, објавува „Кронен Цајтунг“. Неповредените деца и наставници се однесени на безбедно. За нив и за семејствата се распоредени и тимови за кризна интервенција.