Македонија денеска на 36 степени: Од среда пристигнуваат дожд и грмежи

Македонија денеска ќе биде под силно јулско сонце, а дневната температура ќе достигне до 36 Целзиусови степени. Се очекува мала до умерена локална облачност, информира УХМР.

Засилен ветер долж Повардарието

Ќе дува слаб до умерен ветер од северен правец. Долж Повардарието и во источните делови тој повремено ќе засилува.

Утрински температури од 11 до 21 степен

Минималните температури ќе се движат од 11 до 21 степен. Максималните дневни вредности ќе бидат меѓу 30 и 36 степени.

Во Скопје до 35 степени

Во главниот град времето ќе биде сончево со мала до умерена облачност. Ќе дува слаб до умерен северен ветер. Утринската температура ќе се спушти до 17, а дневната ќе достигне 35 степени.

Од среда можни пороен дожд и грмежи

Сончевото и топло време ќе продолжи и во следните денови. Од среда попладне ќе има услови за локална нестабилност со пороен дожд, грмежи и засилен ветер.