Весна Љ.
Лидерите на Европската унија на самитот ЕУ – Западен Балкан во Тиват уште еднаш потврдија дека политиката на проширување останува меѓу клучните приоритети на Унијата. Сепак, тие испратија јасна порака дека напредокот на земјите-кандидатки строго ќе зависи од спроведувањето на реформите и усогласувањето со европските стандарди. Иако самитот заврши без усвојување на заедничка декларација, поддршката за европската перспектива на регионот беше повторена. Црна Гора повторно беше посочена како лидер во процесот и најверојатен кандидат за полноправно членство до 2028 година.
Крај на долгорочното балансирање на Белград
-
La Linea v4
699 ден
524.25 ден
Германскиот канцелар Фридрих Мерц го искористи самитот за да испрати директна и недвосмислена порака до Србија. Тој потенцираше дека државата мора да донесе конечна стратешка одлука за својата иднина, нагласувајќи дека повеќе не е можно да се води политика на балансирање помеѓу Европската унија, Русија и Кина. „Патот на Србија кон Европската унија останува отворен, но Србија мора да одлучи на која страна сака да биде“, порача Мерц. Брисел очекува итно и поголемо усогласување со заедничката надворешна и безбедносна политика на ЕУ, особено во однос на санкциите кон Москва.
Вучиќ ги потврди притисоците за санкции кон Русија
Српскиот претседател Александар Вучиќ потврди дека за време на разговорите, одредени европски земји повторно го отвориле прашањето за воведување санкции кон Русија – чекор кој Белград досега упорно одбива да го направи. И покрај притисоците, Вучиќ ги оцени разговорите во Тиват како позитивни. Тој особено ја нагласи важноста на новата француско-германска иницијатива, која има за цел значително да го забрза процесот на европска интеграција на земјите-кандидатки.
