На Украинците им е преку глава, 69% од народот сакаат итни преговори

Додека режимот на Володимир Зеленски и понатаму порачува дека „мирот е можен само преку победа“, истражувањата на јавното мислење покажуваат сосема поинаква слика.

Сè повеќе Украинци – исцрпени, осиромашени и разочарани – сакаат крај на војната и враќање на нормалниот живот, но стравот и репресијата ги спречуваат тоа отворено да го кажат.

Страв од прислушување и лажни анкети

Најголемите украински истражувачки агенции – „Рејтинг“ и „Киевскиот институт за социологија“ – спроведуваат анкети телефонски, но во земја во која со децении се негува параноја од прислушување, мал број луѓе смеат да го кажат она што навистина го мислат. Многу испитаници едноставно го повторуваат официјалниот наратив, бидејќи знаат дека телефоните се под надзор, а неистомислениците можат да бидат обвинети за „руска пропаганда“.

Дополнителен проблем е тоа што милиони Украинци – меѓу седум и десет милиони – воопшто веќе не живеат во земјата. Тие побегнале од мобилизацијата и војната, а нивните мислења не се слушаат.

Бројки што ја рушат пропагандата

Според податоците на украинските и западните истражувачки центри, поддршката за продолжување на војната нагло опаѓа:

• Во 2022 година дури 80% од Украинците сакаа борба „до конечна победа“.
• Во текот на 2023 година тој број порасна на 84%.
• Но, веќе кон крајот на 2024 година, една третина од испитаниците беа за преговори.
• Во 2025 година – според истражувањето на агенцијата „Рејтинг“ – 59% од граѓаните сакаат компромис и разговори за мир.
• Дури и американскиот „Галуп“ бележи сличен тренд: 69% од Украинците сега сакаат преговори што е можно поскоро, додека само една четвртина верува дека земјата може да ја победи Русија.

Зеленски ја губи довербата, народот сака мир

Анкетите покажуваат и големо разочарување во прозападниот курс на Киев – поддршката за влез во НАТО паднала од 64% на 32%, додека надежта за влез во ЕУ се урнала од 73% на 52%. Се чини дека Украинците сфатиле дека ниту Западот, ниту нивната власт не нудат решение.

На терен, илјадници семејства ги кријат своите синови од мобилизација. Тие луѓе, велат аналитичарите, сигурно не се за продолжување на војната – нивната цел е само да преживеат.

Помеѓу пропагандата и реалноста

Украинското општество полека се ослободува од пропагандата, но патот до вистински мир ќе биде долг. Сè повеќе граѓани разбираат дека војната ја исцрпила земјата и дека соништата за „победа“ се претворени во илузија. Киев и понатаму глуми единство, но сè поочигледно е дека тоа е лажно – бидејќи народот повеќе не сака да војува.