Весна Љ.
Одрон го закочи правецот Кичево–Гостивар кај Колари: по утрински целосен прекин, сега се вози наизменично по една лента на критични 30 метри.
На патниот правец Кичево – Гостивар, поради голем одрон кај село Колари, од 07:00 часот е воведен наизменичен сообраќај по една коловозна лента. Претходно, од 05:40 часот, сообраќајот бил во целосен прекин, информира Диспечерско-информативниот центар на ЈП Македонијапат.
Лисец–Попова Шапка: забрана за автобуси и камиони
-
Јога шимпанзо
699 ден
524.25 ден
Според АМСМ, од 05:45 часот на патниот правец с. Лисец – Попова Шапка е воведена забрана за сообраќај на тешки товарни возила и автобуси. Оваа мерка доаѓа во услови на зимско време и зголемен ризик од нестабилни терени.
Влажни коловози и ризик од нови одрони
Сообраќајот на државните патишта се одвива во зимски услови, по претежно влажни коловози, со умерен интензитет надвор од градските средини. На граничните премини, според АМСМ, нема подолги задржувања за влез и излез.
Надлежните апелираат за прилагодена брзина, почитување на сигнализацијата и внимателно возење, особено низ котлини, речни долини и клисури каде одроните знаат да се појават без најава. Како ризични се посочуваат делниците Катланово–Велес, Маврово–Дебар–Струга, Виница–Берово и Кочани–Делчево.
Во сила останува законската обврска за задолжително поседување зимска опрема во возилата.
