Весна Љ.
Борба со огнената стихија на Алпите
Околу 200 пожарникари и припадници на итните служби се бореа со огнот во областа Берхтесгаден, во јужната германска покраина Баварија. Противпожарниот аларм се активирал во петокот околу 21:50 часот по локално време, а кога екипите пристигнале на местото, објектот веќе бил целосно зафатен од огнот.
-
Јога шимпанзо
699 ден
524.25 ден
Пристапот до зградата, која се наоѓа на надморска височина од 1.834 метри, претставувал огромен предизвик за спасувачките служби. Портпаролката на полицијата, Лиза Мајер, изјави дека во објектот можело да се влезе исклучиво со тешка заштитна опрема за дишење поради густиот чад.
Приведен осомничен мотоциклист
Полицијата соопшти дека го истражува причинителот на пожарот и проверува дали осомничениот, кој бил приведен во близина на местото на настанот, е поврзан со избувнувањето. Според германскиот весник „Билд“, полицајците при пристигнувањето наишле на мотоциклист кој им изгледал сомнително. За среќа, во инцидентот нема повредени лица, а криминалистичката истрага е во тек.
„Орловото гнездо“ е изградено во 1938 година како гостинска куќа за нацистичките функционери, одвоено од блиската летна резиденција на Хитлер, Бергхоф. По Втората светска војна, објектот преминал во сопственост на Баварија и бил прогласен за историски споменик. Од 1952 година, зградата од камен и гранит работи како ресторан со историска изложба, до кој туристите стигнуваат исклучиво со автобус.
