Весна Љ.
АИ-торпедо и крстосувачки ракети лансирани од подморница
Според севернокорејската државна новинска агенција КЦНА, новото торпедо е брзо и прецизно наведувано оружје во кое вештачката интелигенција се користи за автономно откривање на целите и насочување кон нив. Со овој тест била потврдена и технологијата за погон која се развивала во текот на изминатите пет години преку повеќе од 180 испитувања.
-
Вонземјанин
699 ден
524.25 ден
Овој потег е дел од редовните активности за унапредување на одбранбените системи, а доаѓа само неколку дена откако Пјонгјанг објави дека тестирал и два вида стратешки крстосувачки ракети лансирани од подморница, проверувајќи ја сигурноста на средствата за одвраќање.
Трка во хиперсонично вооружување со Сеул
Тестирањето се случува во период на екстремно зголемени тензии на Корејскиот Полуостров, каде што и двете Кореи паралелно развиваат воени системи со напредни способности. Додека Северна Кореја работи на модерни подморници и АИ-технологија, Јужна Кореја возвраќа со развој на хиперсонично оружје.
Минатата недела, јужнокорејскиот претседател Ли Џе-мјунг лично го надгледуваше првото пробно лансирање на хиперсонично едрилично летало во Сеул – оружје кое може да ја менува траекторијата за време на летот, што уследи како директен одговор на сличните тестирања на хиперсонични ракети од страна на Ким Џонг-ун.
