Се рушат рекорди во Скопје: Се трошат по 700 литри вода по жител дневно!

Владата ја активираше фазата 3 за превенирање на последиците од топлотните бранови врз здравјето на населението.

Овие мерки ќе траат до 8 јули. Тие се активирани по препорака на Министерството за здравство. Причина се високите температури кои се очекува да надминат и 40 степени Целзиусови.

Ослободување од работа и препораки за работодавачите

Во овој период се препорачува ослободување од работни обврски. Ова важи за бремените жени и за лицата постари од 60 години. Сепак, мерката не се однесува на вработените во критичната инфраструктура.

Работниот процес треба да се одложи во периодот од 11 до 17 часот. Ова се однесува на работниците кои се изложени на директна топлина. Исто така, се препорачува и работа од далечина или флексибилно работно време. Работодавачите треба да обезбедат и климатизирани простории.

Прогноза: Топло до среда, а потоа освежување

Според најавите на Управата за хидрометеоролошки работи (УХМР), топлотниот бран ќе трае. Се очекува тој да трае до средината на наредната недела. Во недела попладне се очекува локална нестабилност со пороен дожд. Освежување се очекува од среда, кога ќе дува засилен северен ветер.

Рекордна потрошувачка на вода, од Водовод со апел

Топлото време доведе до енормно зголемена потрошувачка на вода. Од ЈП „Водовод и канализација“ – Скопје велат дека неконтролирано се полеваат бавчи. Исто така, се перат возила и се полнат базени. Тие апелираа до граѓаните совесно и рационално да ја користат водата.

На 23 јуни имало рекордна дневна потрошувачка. Таа изнесувала 356.000 метри кубни. Тоа би значело потрошувачка од 700 литри вода по глава на жител.