Скандалозен обид за цензура: тв камерите го сокрија протестот на барса и џирона

Натпреварот помеѓу Барселона и Џирона го одбележа бизарен протест кој ТВ камерите се обидоа да го сокријат, а целиот стадион свиркаше.

Фудбалерите на Барселона остварија драматична победа од 2-1 над Џирона, со голот на Роналд Араухо во 94-тата минута, и се вратија на врвот на табелата во Ла Лига. Сепак, она за што зборува цела Шпанија не е резултатот, туку она што се случи во првите 15 секунди од натпреварот, а што гледачите на телевизија не можеа да го видат.

Зошто играчите стоеја, а стадионот свиркаше?

Веднаш по изведувањето на почетниот удар, играчите на двата тима – Барселона и Џирона – едноставно застанаа во место. Цели 15 секунди, никој не се помрдна, во знак на тивок протест против одлуката на раководството на Примера, натпреварот помеѓу Виљареал и Барселона да се одигра во Мајами, САД, со цел да се заработат повеќе пари.

Додека играчите стоеја, целиот стадион „Монжуик“ гласно свиркаше, искажувајќи го својот револт. Меѓутоа, гледачите пред ТВ-екраните беа сведоци на нешто сосема друго.

Обид за цензура што не успеа

Во очигледен обид да се цензурира бунтот, режисерот на преносот во тие 15 секунди не ги прикажа играчите, туку пушти кадар од дрон со панорама на Барселона. Исто така, во официјалните најинтересни моменти од натпреварот, овој дел е целосно исечен. Сепак, снимките направени од навивачите на стадионот веднаш станаа вирални на социјалните мрежи, разоткривајќи го протестот.

⚠️🇪🇸 BARCELONA y GIRONA se quedaron QUIETOS los PRIMEROS 15 SEGUNDOS en MODO PROTESTA.

⛔️ Se siguen PRONUNCIANDO los equipos tras la decision de La Liga en llevar el Barça-Villarreal a MIAMI. pic.twitter.com/owSXY3ke4E

— 100% FICHAJES DE FÚTBOL (@FichajeGoleador) October 18, 2025

По 15-те секунди тишина, натпреварот продолжи нормално. Барселона поведе со голот на Педри, Џирона израмни преку Аксел Витсел, пред Араухо да ја донесе големата победа во последните моменти од мечот.