Весна Љ.
Топли утра и бурни попладниња низ државата
Според најновите метеоролошки податоци, времето денеска ќе започне како сончево и топло со мала до умерена локална облачност и слаб до умерен ветер од југоисточен правец. Сепак, во попладневните часови временската слика драстично ќе се промени. Наместа процесите ќе бидат поинтензивни во форма на невреме со силен ветер, пороен дожд, грмежи и услови за појава на град. Минималната температура низ државата ќе се движи во интервал од 8 до 16 степени, додека максималната ќе достигне високи 29 до 35 степени Целзиусови.
Прогноза за Скопје: Од 35 степени до локално невреме
-
Апсана
699 ден
524.25 ден
Слична временска динамика се очекува и во главниот град. Во Скопје претпладнето ќе биде сончево и многу топло со мала облачност и слаб јужен ветер. Попладне во делови од скопската котлина ќе има услови за брз развој на нестабилност која ќе биде проследена со пороен дожд, засилен ветер и појава на електрични празнења. Утринската температура во Скопје ќе се спушти до 14 степени, а максималната дневна ќе се искачи до 35 степени.
„Заради големата енергија во атмосферата локално процесите ќе бидат во форма на невреме со интензивен пороен дожд, силен ветер и појава на град.“
Нестабилноста ќе потрае до крајот на седмицата
Овој тренд на променливо време нема да заврши денеска. Утре и во четврток претпладне времето ќе остане сончево и топло, но попладневните часови повторно ќе донесат нестабилност со пороен дожд, грмежи и засилен ветер. Ваквите услови за локална нестабилност, според синоптичарите, ќе се задржат сè до крајот на оваа седмица, поради што се препорачува зголемена внимателност при движење на отворено во попладневните часови.
