Весна Љ.
Трамп: „Тој не сака договор, нападите врз рафинериите му штетат на светот“
Во интервју за американската телевизија „Њузмакс“ во емисијата „Финерти“, директно од Белата куќа, Трамп ги критикуваше украинските напади врз руските постројки за производство на гориво, оценувајќи дека тие предизвикуваат скок на глобалните цени на енергенсите.
-
La Linea v8
699 ден
524.25 ден
„Сметам дека тоа е срамно. Кога напаѓате рафинерии што произведуваат дизел, кој им е потребен на нас и на целиот свет, не му правите услуга на светот“, изјави Трамп. Тој додаде дека меѓусебната нетрпеливост меѓу Москва и Киев го кочи мирот, но насочи директни критики кон украинското раководство:
- Тешки преговори: „Со Зеленски не е добро да се соработува. Тој не сака договор. Зборува дека сака, но всушност не сака.“
- Повици за избори: Трамп поддржа иницијатива за двомесечно примирје за одржување избори во Украина, тврдејќи дека земјата страда од човечки загуби и демографска предност на Русија.
Договорот за руски дизел и обвинувањата за предавство
Заострувањето на реториката уследи откако Трамп преку својата социјална мрежа „Трут соушл“ објави дека по директен разговор со Владимир Путин договорил милионски пратки на дизелско гориво од Русија за американскиот и глобалниот пазар, нагласувајќи ги пониските цени за американските земјоделци и транспортери како врвен приоритет.
Овој чекор наиде на жестока реакција во Киев. Зеленски го оцени договорот како директна помош за Кремљ што овозможува подолго војување, а во интервју за новинарот Пирс Морган во Лондон ги оцени потезите на американската администрација како разочарувачки удар по сојузништвото.
„Штета е што губиме силен партнер. Сигурен сум дека точно знаеја што прават. Беше еден часот по полноќ кога ‘СпејсИкс’ и САД го блокираа ‘Старлинк’ – таа одлука ќе однесе човечки животи. Ние не ја продаваме нашата земја. За нас тоа не е бизнис, тоа се нашите животи и нашиот дом“, дециден е Зеленски.
