Хаос во Русија: Полицијата морала да пука, има мртви и ранети!

Во центарот на Наљчик, туристички град во јужна Русија, денеска дошло до пукање.

Инцидентот се случил при одговор на полицијата. Тие одговарале на напад со нож извршен врз нивен колега. Веста ја пренесува руската новинска агенција РИА Новости. Според првичните информации, има жртви.

Напад со нож врз сообраќаен полицаец

„Околу 18 часот по московско време, се случи пукање во центарот на Наљчик, на авенијата Ленин,“ рекол извор од полицијата. Началникот на Кабардино-Балкарија, Казбек Коков, ги потврди деталите. Тој кажа дека непознат маж со нож нападнал сообраќаен полицаец.

По нападот, полицијата реагирала и напаѓачот бил елиминиран. На ранетиот полицаец веднаш му е укажана лекарска помош. Коков изјави дека полицијата ги истражува сите околности на инцидентот.

Полицијата трага по втор осомничен

Изворот од полицијата за руските медиуми додал дека ова се случило при обид за апсење. Полицијата се обидувала да уапси двајца осомничени. Едниот од нив е убиен во престрелката. По другиот осомничен сè уште интензивно се трага. Целиот град е блокиран од полициски сили.