АВИОН ИТНО СЛЕТА: Кога ја отвори ланч кутијата од стјуардесата, патничка за малку не се онесвести, останатите бегаа како попарени!

Авион на „Scandinavian Airlines“ мораше итно да слета во Данска откако една патничка добила вистински шок – од нејзиниот оброк излегол лилјак и почнал да лета низ кабината!

Летот од Осло до Малага, кој се одвивал во средата, се претворил во вистинска драма кога неочекуваниот „патник“ го вознемирил целиот авион. Исплашените патници скокале и панично бегале од своите седишта, откако една жена го отворила својот ланч пакет и забележала лилјак во него.

“Не можам да поверувам, жената до мене отвори храна, а лилјак излета!”, напишал патникот Јарле Борестад на Фејсбук, споделувајќи го своето неверојатно искуство.

Компанијата веднаш реагирала и објаснила дека пилотот морал да слета во Копенхаген, бидејќи присуството на глодари може да претставува сериозен ризик за електричните инсталации во авионот. Патниците биле префрлени на друг лет кон нивната дестинација.

„Ова е исклучително редок случај, но преземавме мерки за да се осигуриме дека нема повторно да се случи“, изјави портпаролот на авио-компанијата.

Како малиот лилјак завршил на летот, останува мистерија.