Бугарски пратеник со големо срце: 34.200 евра за жртвите од пожарот во Кочани

„Солидарност од соседна Бугарија“ – Бугарскиот пратеник Манол Пејков собра значајна сума за помош на настраданите од пожарот во Кочани, покажувајќи хуманост и поддршка во овие тешки моменти.

Манол Пејков, пратеник во бугарското собрание, организираше хуманитарна кампања. Тој собра 34.200 евра за настраданите во пожарот во Кочани, објави „Пловдив24.бг“.

Пејков најави дека ќе контактира со семејствата на настраданите кои се лекуваат во Софија и Варна. Сите собрани парични средства ќе бидат донирани на нив.

Тој исто така планира да оствари средба со амбасадорот на Северна Македонија во Софија. Целта е да изрази сочувство и да понуди поддршка од неговата фондација.