Викторија Бекам конечно одговори на прашањето за неверството на Дејвид

Викторија Бекам беше соочена со прашањето за наводното неверство на Дејвид во еден подкаст.

Викторија Бекам (51) повторно беше прашана за аферата на нејзиниот сопруг Дејвид со Ребека Лус во отворен разговор со водителката на подкастот „Call Her Daddy“, Алекс Купер. Модната дизајнерка беше прашана: „Во текот на целата кариера се соочувавте со шпекулации за вашиот брак… Можете ли само да објасните како се справивте со тоа?“

Дејвид (50) зборуваше за извештаите околу неговата афера со поранешната лична асистентка Ребека од 2004 година во своето шоу на Нетфликс, објавено во октомври 2023 година.

„Само ја пребродивме проклетата бура“

Без да трепне, Викторија рече дека сè низ што таа и Дејвид поминале само го направило нивниот брак посилен. „Знаете… толку многу работи ни беа фрлени во лице, а зборувавме за тоа бидејќи неодамна ја прославивме нашата 26-годишнина од бракот. Луѓето велеа дека нема да успееме… 26 години“, повтори таа. „Секогаш бевме тука заедно и едноставно ја пребродивме таа проклета бура.“

Многумина беа изненадени од одговорот, бидејќи Дејвид никогаш не беше целосно директен околу аферата. По ова, Викторија брзо ја префрли темата на својот пореметување во исхраната.

Контроверзноста околу документарецот

Во меѓувреме, режисерот на документарецот на Дејвид изјави дека спортистот *сепак* се изјаснил за аферата, откако Ребека Лус го обвини дека „ја направил лажго“ избегнувајќи ја темата. Во документарецот, Дејвид не ја спомна аферата директно, но го опиша тој период како „ужасен“, велејќи дека му се „слошувало секој ден“.

Ребека (46), која сега живее во Норвешка, го обвини дека „себеси се прикажува како жртва“ и дека избегнува одговорност. „Да, приказните беа ужасни, но беа вистинити“, рече таа за „Дејли Меил“. „Тој во документарецот зборува дека тоа е негов приватен живот, но едно е да го чуваш приватниот живот, а сосема друго е да ја мамиш јавноста… Мислам дека ќе беше убаво ако речеше ‘тоа не беше мојот најгорд период’“.

Критичарите го обвинија режисерот дека ја избегнал темата бидејќи во серијата не се споменува ниту името „Лус“ ниту зборот „афера“. Наместо тоа, Дејвид зборуваше за својата сопруга, велејќ
„Викторија е сè за мене, беше неверојатно тешко да ја видам неа повредена“. Поранешната „Спајсица“ исто така зборуваше за болката, тврдејќи дека чувствувала како парот повеќе да „не се нема еден со друг“.