Германија го враќа воениот рок: Мажите над 18 години ќе одат во војска, плата 2.600 евра!

Германија се подготвува за повторно воведување на задолжителна воена служба за сите мажи над 18 години, откако владејачките партии ЦДУ/ЦСУ и СПД постигнаа договор со министерот за одбрана Борис Писториус, јавува „Билд“.

Сите мажи ќе мора да се регистрираат и да поминат лекарски прегледи. Доколку нема доволно доброволци, ќе се користи систем на лотарија за избор на кандидатите. Оние што ќе служат ќе примаат бруто плата од 2.600 евра, а оние кои ќе останат подолго ќе добијат и бонуси, како субвенција за возачка дозвола.

Цел: Резерва од 200.000 војници

Целта на законот е создавање резервен состав од околу 200.000 војници кои би можеле брзо да се мобилизираат во случај на национална вонредна состојба. Волонтерите ќе поминуваат основна обука за чуварски должности.

Регрутирањето е задолжително само за мажи, кои прво треба да пополнат прашалник. Жените можат да се вклучат исклучиво доброволно, бидејќи германскиот Устав не предвидува задолжителна служба за нив.