Весна Љ.
Абнормални фреквенции и уред за манипулација на црниот пазар
По спроведени детални анализи на потрошувачката и континуирано следење на динамиката, теренската контрола во кичевското казино утврдила сериозни нерегуларности. Инспекторите регистрирале нетипично однесување на мерните уреди проследено со абнормално зуење во мерниот ормар.
-
Добро утро
699 ден
524.25 ден
Со мерењата била утврдена фреквенција од 225 до 340 Hz, што претставува огромно отстапување од стандардните 50 Hz. Утврдено е дека бил користен специјален уред за манипулација со фреквенции, набавен на црниот пазар, со кој свесно се влијаело врз две броила за целосно или делумно нерегистрирање на реално потрошената струја.
Преземени мерки, пријава во МВР и милионска штета
По откривањето на измамата, од Електродистрибуција соопштија дека е составен Записник за неовластено користење и поднесена е соодветна пријава до МВР согласно член 235-а од Кривичниот законик.
Дополнително, за двете зафатени мерни места изготвени се две посебни фактури за надомест на предизвиканата штета, чиј вкупен износ изнесува 2.722.798 денари.
„Констатирано е: Нетипично однесување на мерните уреди, проследено со абнормално зуење во мерниот ормар. Со извршените мерења е регистрирана фреквенција од 225 до 340 Hz, што претставува значително отстапување од стандардните 50 Hz.“
