Весна Љ.
Детали за несреќата во постројката за отпадни води
Според информациите од локалните власти, несреќата се случила за време на работни активности за одржување на постројка за третман на отпадни води во објектот во Хосур. Работниците починале по вдишување на гас додека вршеле увид во надворешен резервоар за нанофилтрација, со кој управувала компанијата „Nalco Water“, подружница на „Ecolab“.
-
Кафе и пиво
699 ден
524.25 ден
Производството на „Ајфон“ уреди не е загрозено бидејќи фабриката, која инаку произведува околу 40 отсто од телефоните на „Apple“ во Индија, била привремено затворена оваа недела поради големиот хиндуистички празник Дипавали.
Најавени истраги и историјат на проблеми
Властите во Тамил Наду, како и самите компании „Tata“ и „Apple“, најавија независни истраги за расчистување на случајот и утврдување на одговорноста за фаталните пропусти во безбедноста.
Овој објект во Хосур веќе се соочуваше со сериозни предизвици во минатото, вклучувајќи го големиот пожар пред две години кој го запре производството на компоненти, како и неодамнешните предупредувања од државните власти за можно затворање поради загадување на подземните води.
„Безбедноста и достоинството на секој работник мора да останат главен приоритет. Овој трагичен инцидент ќе биде темелно истражен, а врз основа на утврдените факти ќе бидат преземени соодветни мерки“ — изјави министерот за индустрија на државата Тамил Наду.
