Трамп грчевито го брани шефот на Пентагон: Отказ за Хегсет би значело признавање на поразот во Иран

Одбрана на Хегсет како одбрана на сопствениот бренд

Според анализата на Си-Ен-Ен, отпуштањето на поранешниот водител на „Фокс њуз“ среде постапка за негово отповикување би претставувало директно признание од Белата куќа дека војната во Иран е нерешлива катастрофа. За време на прес-конференцијата, Трамп енергично тврдеше дека Хегсет „ја добива војната“, обидувајќи се да го претстави воениот дебакл како историски триумф.

Хегсет, кој ги избрка новинарите од Пентагон и поведе отворена „крстоносна војна“ против генералите, стана министерот кој најверно го одразува самиот претседател. Аналитичарите забележуваат дека доколку Трамп се откаже од таков човек, практично би плукнал врз сопствениот политички бренд.

Републикански бунт и барање за отповикување

Притисокот во Конгресот дојде од неочекувана страна. Предлогот за отповикување во осум точки го покрена конзервативниот републиканец Томас Меси. Тој го обвини шефот на Пентагон за водење неуставна војна, занемарување на цивилните жртви во Иран и спроведување вонсудски егзекуции. Овој потег наиде на остри навреди од страна на Трамп, кој го нарече Меси „болен тип и целосен губитник“.

Огорчените републиканци во Претставничкиот дом, кои изгубија мандати на неодамнешните избори поради војната и растот на цените на горивата, гледаат во овој процес идеална можност за одмазда. Набљудувачите проценуваат дека позицијата на Хегсет е неодржлива и дека Трамп на крајот ќе мора да го жртвува својот омилен министер за да се спаси самиот себе.

„Не го отповикуваме затоа што е неспособен. Всушност, тој беше многу ефикасен во убивањето ученици во Иран и во спроведувањето вонсудски егзекуции…“ — изјави конгресменот Томас Меси.