Весна Љ.
Детали од полициската истрага и злоупотребата на ранливата положба
Според официјалните информации од МВР, Националната единица за сузбивање на криумчарење мигранти и трговија со луѓе, под раководство на Јавен обвинител од Основното јавно обвинителство за гонење на организиран криминал и корупција, поднесе кривична пријава против 60-годишниот Н.Н. за сторено кривично дело „трговија со луѓе“ по член 418-а од Кривичниот законик.
-
La Linea v6
699 ден
524.25 ден
Истрагата утврдила дека во текот на 2025 и 2026 година осомничениот ја искористил крајната ранливост, физичката неспособност и зависната положба на неговата 80-годишна мајка З.С., која се движи со инвалидска количка и не може самостојно да ги извршува секојдневните активности. Тој во континуитет ја носел на фреквентни локации во Гостивар, ја изложувал на трудова експлоатација преку питачење, додека постојано бил во нејзина близина, ја надгледувал и на дрзок и насилен начин ѝ ги земал спасените парични средства за лични потреби.
Претрес во дом и заплена на докази
По издадена судска наредба од Основен кривичен суд Скопје, полициските службеници извршиле претрес во домот и други простории на осомничениот на подрачјето на Гостивар. При акцијата, лицето е лишено од слобода, а пронајдени и привремено се одземени мобилни телефони и парични средства за кои постои сомнение дека потекнуваат од извршувањето на кривичното дело.
Случајот предизвика остри реакции во јавноста поради екстремната форма на семејно насилство и експлоатација на најранливите категории граѓани.
„Н.Н. својата мајка подолг временски период во континуитет ја носел на локација во Гостивар, и ја изложувал на трудова експлоатација по пат на питачење… додека за целото време бил присутен во нејзина непосредна близина, ја надгледувал и контролирал нејзината активност…“
