Голем успех: Прпарим Авдили, со потекло од Куманово, е кандидат за градоначалник на најголемиот град во Швајцарија

Либералната партија (ФДП) го предложи Прпарим Авдили како свој кандидат за градоначалник на швајцарскиот град Цирих.

Авдили, кој има потекло од Македонија, сам ја сподели оваа важна информација. Тој тоа го направи преку своја објава на социјалната мрежа Фејсбук. Во објавата, тој се осврнува на своето потекло.

Тој нагласува дека неговото семејство има корени од Куманово. Сепак, неговиот живот е целосно врзан за Швајцарија, каде што тој е израснат и образован. Тој е успешен политичар во земјата.

„Израснав во Цирих како дете на семејство со мигрантско потекло,“ напиша тој. „Моето образование го стекнав во населбите Алтштетен и Албисриден. И денес останав близок со моето маало – сè уште играм фудбал со другарите од детството.“

„Цврсто сум поврзан со овој град и секојдневно го живеам со страст она што го правам,“ додаде Авдили. Неговата кандидатура предизвика големо внимание како во Швајцарија, така и во Македонија.