Марко Ш.
Агенцијата за филм одобри поддршка за документарен проект инспириран од животната приказна на Марко Маринковиќ — Слаткар. Јавноста веднаш се подели. Едни го поздравија, други го нападнаа дека користи државни пари за лична промоција. Одговорот на Слаткар дојде брзо — и беше сосема неочекуван.
„Ниту барав, ниту мене ми се доделени пари”
-
La Linea v6
699 ден
524.25 ден
Раперот преку социјалните мрежи соопшти дека се откажува од одобрените средства. Во својата објава јасно ставил до знаење дека парите не биле наменети за него лично, туку за тимот кој две години работи на документарецот. „Деновиве читам секакви коментари и вести. И повторно гледам колку лесно судиме, а половично знаеме или воопшто не знаеме”, напишал тој. Со едно соопштение го затворил устата на сите критичари.
Филмот не е за него — туку за пелтечењето
Слаткар претходно објаснил дека документарецот не е посветен исклучиво на неговиот живот. Темата е пелтечењето — говорна пречка со која се соочуваат голем број деца. Неговото лично искуство е само дел од поширока приказна. Музиката и пишувањето текстови му помогнале да ја надмине таа пречка и да го пронајде сопствениот глас — и токму тоа е поуката на филмот.
Сопругата Сања проговори за прв пат
Набргу по неговата објава, со поддршка се огласила и сопругата Сања Николиќ — која до тој момент јавно не коментирала за случајот. Ја споделила неговата порака на Инстаграм и додала само неколку зборови. „А приказната од зад камерите е поинаква… секогаш искрена, но понекогаш доста тешка. И тој… еден и свој.”
Филмот продолжува — без државни пари
И покрај откажувањето од средствата, Слаткар потврдил дека проектот продолжува. Тимот ќе го реализира документарецот со поддршка на соработници, пријатели и публика. „Не сакам проектот кој зборува за разбирање, прифаќање и поддршка да започне со поделби”, напишал тој. „Светот ќе го чуе гласот на најтивките” — со ова ветување Слаткар ја затворил дискусијата и го свртел вниманието назад кон она што навистина е важно.
