Ескалација на незадоволството: Демонстранти го запалија комплексот на ЕУЛЕКС во Приштина

Напад со пиротехника и брза полициска интервенција

Стотици граѓани кои претходно го следеа изрекувањето на пресудите пред зградата на владата, околу 22:30 часот се упатија кон базата на ЕУЛЕКС на патот Приштина – Косово Поле. Демонстрантите го блокирале патот и почнале да фрлаат тврди предмети и пиротехнички средства кон објектот на европската мисија.

Kosovo: Thousands took to the streets in Pristina after The Hague convicted four former KLA leaders of war crimes — Thaçi and Krasniqi got 25 years each, Veseli 18, Selimi 13 — for the murder of 96 people, torture of 303, and detention of 385+ during the 1998-99 Kosovo war.… pic.twitter.com/cpGZE5xzwv

— Clash Report (@clashreport) September 16, 2026

Од косовската полиција информираат дека нападот предизвикал помал пожар, кој веднаш бил изгаснат и за среќа нема повредени лица. Полициските службеници одржувале постојан дијалог со толпата, по што протестот завршил кратко по полноќ без поголеми инциденти.

Драконски казни и остар политички револт

Протестите следеа откако Специјалниот суд во Хаг ги прогласи за виновни за воени злосторства поранешните лидери на ОВК. Хашим Тачи и Јакуп Красниќи беа осудени на по 25 години затвор, Кадри Весели доби 18, а Реџеп Селими 13 години. ЕУЛЕКС се најде на удар на демонстрантите бидејќи им дава директна логистичка и оперативна поддршка на Специјализираните совети.

„Иако пресудата можеби формално е изречена во името на народот на Косово, оваа празна формула не смее да се поистоветува со волјата на народот“, изјави косовскиот премиер Албин Курти, отворено оценувајќи ја пресудата како неприфатлива неправда.

Од друга страна, Соединетите Американски Држави и останатите западни земји повикаа на строго почитување на судската одлука. Одбраната на осудените лидери веќе најави дека ќе поднесе жалба до Апелациониот суд, додека полицијата останува на терен за да го гарантира јавниот ред и мир.