Жена наплаќала бесплатен тоалет, заработила неверојатна сума: Ја откриле сосема случајно

Полицијата во Германија ја истражува чистачката која заработила неколку илјади евра, бидејќи незаконски наплаќала користење на тоалет на посетителите на фестивал во Штутгарт. Измамата ја открила полиција во цивилка.

Чистачката е уапсена на Канстатер Фолкфест во Штутгарт, бидејќи се смета дека илегално се збогатила, пишува „Fenix“.

Полициската управа ја објавила оваа информација на сервисот „X“, некогашен „Twitter“.

Осомничената ја искористила наивноста на туристите кои го посетиле Васен и ги принудувала да плаќаат за користење на тоалетот, иако бил бесплатен. Така заработила неколку илјади евра.

Полицијата во Германија покрај постот објавила и фотографија на која се гледа вреќа полна со монети, но и банкноти, па напишала: „Ова е недозволиво“.

Како што соопштила полицијата, жената е уапсена и над неа се спроведува истрага.