Весна Љ.
Состојки и тајната на полската „капуста“
Овој рецепт е инспириран од традиционалното полско јадење познато како „капуста“. Не бара скапи состојки ниту посебна кујнска опрема, а најголемата тајна е во трпението. Наместо да ја готвите на силен оган, оставете ја зелката полека да омекнува и да ја впива аромата на путерот. Посебен шмек дава семето од ким, кое идеално се вклопува со оваа намирница.
-
La Linea v14
699 ден
524.25 ден
Потребни состојки:
- 1 поголема главица свежа зелка (околу 1,3 кг)
- 100 г путер
- 1 супена лажица семе од ким
- 120 мл пилешки бујон или вода (за вегетаријанска опција)
- 1 лажичка сол и пола лажичка крупно мелен црн бибер
Начин на подготовка
Најважно е зелката да ја исечете на парчиња кои ќе можат рамномерно да омекнат. Отстранете ги надворешните листови и тврдиот корен, па исечете ја на помали парчиња или ленти. Во поголемо тенџере со подебело дно, стопете го путерот на тивок оган, додадете ја зелката и убаво промешајте.
Следен чекор е додавањето на зачините (ким, сол, бибер) и бујонот. Течноста не треба целосно да ја прекрие зелката бидејќи целта е да се динста. Поклопете го тенџерето и оставете да се готви на најниска температура околу 60 до 90 минути. Повремено промешувајте и доколку е потребно, додавајте по малку вода за да не загори. На крајот, тргнете го капакот неколку минути за да испари вишокот течност.
Најчестата грешка при подготовката е готвењето на пресилен оган, поради што течноста брзо испарува, а зелката се лепи за дното пред да омекне. Ниската температура овозможува постепено готвење и максимално впивање на путерот и зачините.
