Петар M.
Споменикот е посветен на илјадниците деца кои биле принудени засекогаш да ги напуштат своите домови. Градоначалникот на Град Скопје, Орце Ѓорѓиевски, информираше дека целта на оваа обнова е трајно зачувување на сеќавањето за нивните трагичните судбини. Иако споменикот беше мета на вандали во минатото, тој сега повторно стои како силен потсетник за прекинатото детство и незгаснатата љубов кон родниот крај.
Целосна реконструкција на паркот
-
Апсана
699 ден
524.25 ден
Паралелно со враќањето на ова значајно спомен-обележје, градските власти интензивно работат на терен. Во тек се обемни градежни активности за комплетна ревитализација на паркот „Жена-Борец“, кој претставува култно место и важен чувар на колективната меморија на скопјани. Со овие зафати се очекува просторот да добие современ и уреден лик каков што доликува на строгиот центар на главниот град.
„Го враќаме спомен-обележјето, го чуваме споменот на едно одземено детство! Го обновуваме просторот кој ја чува нашата колективна меморија. Градиме за иднината. Со почит кон минатото!“
