Весна Љ.
Според првичните информации, бројките на настрадани се прелиминарни бидејќи спасувачките операции се во полн ек. Екипите на терен непрекинато работат на извлекување на лицата кои останале заробени во зградите оштетени од земјотресот и од десетиците последователни потреси.
Плиток потрес и силни афтершокови
-
Балтазар
699 ден
524.25 ден
Земјотресот го погоди островот Флорес нешто пред 05:00 часот по локално време. Според индонезиската агенција за метеорологија и геофизика, потресот се случил на многу мала длабочина од само 15 километри.
„Колку е поплитко жариштето на земјотресот, толку обично се подеструктивни неговите ефекти на површината. Во истото подрачје веќе беа почувствувани силни последователни потреси, вклучително и еден со магнитуда од 6,1,“ предупредуваат експертите.
Веднаш по главниот удар беше издадено предупредување за цунами, кое за среќа беше укинато околу три часа по првичниот потрес.
Паника и драма на пристаништето во Маумере
Дека ситуацијата на терен е драматична сведочат и видеоснимките од погодените подрачја. На една од снимките од пристаништето во Маумере јасно се гледа како големи парчиња бетон се откршуваат од зградата на терминалот и паѓаат директно врз патниците кои чекале да се качат на траект за меѓуостровски превоз.
Во паниката и хаосот предизвикан од силниот потрес, дел од патниците дури паднале во морето откако целосно се урнал мостот за качување на бродот.
