Весна Љ.
Веќе неколку дена на интернет кружат дезинформации кои ги повикуваат мигрантите на 15 август повторно да се обидат да влезат во оваа шпанска територија во северно Мароко. Во пораките што се шират онлајн, лажно се тврди дека границата на Сеута на овој датум, кој е државен празник во Шпанија, ќе биде целосно „отворена“.
Сцените од јули не смеат да се повторат
-
Кафе пауза на месечината
699 ден
524.25 ден
Шпанските и мароканските власти се категорични дека трагичните настани од 30 и 31 јули не смеат во никој случај да се повторат. Пред нешто повеќе од две недели, во Сеута се обидоа да влезат над 70.000 мигранти, при што повеќе од 80 лица го загубија животот, главно давејќи се во обидот да ја преминат границата.
„На улиците на Сеута се забележува невообичаено силно полициско присуство. Според шпанскиот министер за внатрешни работи Фернандо Гранде-Марласка, бројот на припадници на националната полиција е зголемен на речиси 900, односно за околу 300 повеќе отколку за време на јулската криза.“
Фнидек претворен во безбедносна зона
Покрај локалните полициски сили, во Сеута се распоредени и повеќе од 700 припадници на Граѓанската гарда, а голем дел од воените лица се итно вратени од одмор. Демонстративна контрола има и на мароканската страна, каде граничниот град Фнидек е претворен во вистинска безбедносна зона. Мароко ги засили оградите со бодликава жица, крајбрежјето го патролираат чамци, а распоредени се и возила со водени топови.
Во меѓувреме, илјадници луѓе сè уште престојуваат во Сеута. Додека шпанската влада проценува дека таму има околу 5.000 мигранти, регионалниот претседател на Сеута тврди дека нивниот број достигнува дури 12.000 лица, меѓу кои има многу деца, млади, но и баратели на азил од конфликтни подрачја.
