Кинескиот воз-куршум го собори рекордот, возеше со неверојатни 453 километри на час

Најбрзиот воз на светот CR450, започна серија пробни возења во Кина, достигнувајќи брзина од 453 километри на час.

Оваа серија возови, проектирана за максимална тест-брзина од 450 км/ч и комерцијална брзина од 400 км/ч, моментално поминува низ квалификациски тестови на пругата што ги поврзува источниот град Шангај со западниот град Ченгду.

Подобар од претходниот модел

Брзиот воз достигнува забрзување од 350 километри на час за само четири минути и 40 секунди.

Во споредба со претходниот модел CR400, возот CR450 има подолг и поаеродинамичен нос, понизок покрив за 20 сантиметри и е за 50 тони полесен, со што аеродинамичкиот отпор е намален за 22 проценти.