Крокодил станал ѕвезда на интернет: Излегол од својот базен во зоолошка градина, храбрата работничка го вратила назад

Локалната зоолошка градина за рептили во Калифорнија добила голем број на фанови откако еден од крокодилите излегол од базенот за време на хранењето и станал ТикТок ѕвезда.

Страницата на зоолошката градина на социјалните мрежи станала вирална на почетокот на месецот, откако алигаторот Дарт бил снимен како излегува од својот базен за време на хранењето.

На снимката се гледа како Џули Бревер, еден од сопствениците на зоолошката градина, приоѓа до аквариумот за да ги нахрани животните кои се нетрпеливи.

Еден од алигаторите одненадеж излегува од водата за прв да добие храна и ја фаќа металната шипка која Џули ја држи, додека таа се смее и не може да верува што се случува.