Марија Шерифовиќ на концертот во Скопје: „Фала ви што бевте погласни од мене, и за ајварот!“

Марија Шерифовиќ синоќа ја раздрма скопската публика во салата „Борис Трајковски“, каде што публиката со полни срца ги пееше нејзините хитови и создаде незаборавна атмосфера. По концертот, таа им се заблагодари на фановите преку социјалните мрежи, признавајќи дека не почувствувала таква енергија уште од последниот концерт во 2018 година.

„Македонијо, Македонци, што ми направивте? Мислев дека нема подобро од 2018 година, но успеавте да ме изненадите. Благодарам за секој испеан стих, што бевте погласни од мене и бендот, и за ајварот кој го донесовте,“ изјави Марија. „Ви ја дадов душата и зедов дел од вашата. Ви кажав сè синоќа. Бидете добри и знајте дека мирниот сон нема цена. Македонијо, ве сакам!“

Шерифовиќ, со оваа искрена порака, го изрази своето задоволство од топлиот пречек и енергијата на македонската публика, која повторно ја потврди нејзината популарност на овие простори.